Megintilgangurinn með rekstri sjóðsins er að stýra nýtingu bílastæða í því skyni að útvega gestum og viðskiptavinum vel staðsett skammtímastæði þar sem nauðsyn krefur. Bílastæðasjóður fer jafnframt með eftirlit með bifreiðastöðum í því skyni að greiða fyrir umferð gangandi jafnt sem akandi vegfarenda.

Hjá Bílastæðasjóði eru 32 starfsmenn og þar af eru 8 starfsmenn á skrifstofu. Sjóðurinn rekur þrjá visthæfa bíla sem nýttir eru við eftirlit í úthverfum borgarinnar.

Bílastæðasjóður rekur sjö bílahús í miðborg Reykjavíkur með 1140 stæðum. Bílahúsin eru afrakstur af rekstrarafgangi sjóðsins undanfarin ár.